Няпослуху дзівацкага сакрэт
|
Патоляй сьвет ня лашчыў нас ніколі, і прыкрым быў чужы ля хаты сьлед. «Ля родных стрэх шукайце, дзеці, волі», – пакінуты вучыў нас запавет. А мы пайшлі-такі у белы сьвет пад націскам нясьцерпнай гідкай голі... Як гнеў раба, сьціскаецца ад болю няпослуху дзівацкага сакрэт. І ганьбіцца зямлі ружовы цьвет, зьнішчаецца на зыбкіх плынях золі... Які-ж пакінем дзецям запавет, пакутнікі зьнявераныя долі? Паўторым нешанованы, а мо’... ... Сьмяротнае зямлі чужой ярмо.
Вэнэцуэля, сакавік 1954
|
|